Hyllestadskyttarane markerte seg sterkt på samlagsstemna i Holsen 17-18 august. Beste individuelle prestasjon var det Harry som stod for då han vann V65 med 341p på rangering framfor Kjell. I rekruttklassen leia Jørgen etter 25-skoten, då han skaut heile 249p. Han var då eitt poeng framfor Marit, to poeng framfor Tor Erling Ulriksen (Florø) og tre poeng framfor Lovise. I finalen skaut Jørgen 98p, men måtte sjå seg slått på rangering av Tor Erling som skaut 100 med ei drøss med inner. Marit skaut og 98 p og vart nr. 3. Lovise skaut 97p og tok 4-plassen. I ER vart duoen Lars frå Florø og Ole Martin frå Førde eitt poeng for gode for Endre og Nikolai, som tok 3 og 4 plassen med 349p. Men mest gledeleg av alt var kanskje sigeren til Hyllestad i lagskytinga for rekrutteringsskyttarane. Marit skaut her 99 med 9 inner og Nikolai følgde opp med imponerande 97p på juniorprogrammet. Dermed vart det siger på rangering framfor Førde og Florø. Dette var Hyllestad sin første lagskytingssiger på Samlagsstemnet sidan tidleg på 1980-talet. Det vart med andre ord ei flott skyttarhelg for Hyllestadingane.
|